recent
أخبار ساخنة

ريم علاء محمد

غيمة وسيرتني الريح لدروب 
ما مرت گبل لحظة بخيالي

اصفگ ايدي بايدين المتاهات 
 وارد ردت يتيم وجفه خالي 

شمدريني اليهزه الشوگ ينلام
لو چنت ادري ما ذليت حالي 

ولا ماشيت ظلي بصحبة الليل 
ادور ضحكة بدروب انشغالي  

كل ظني الاحبه يبادل الروح 
شعور اللهفة ويحن لوصالي

ما جنت ادري كلبه يناطر فياي 
غيري ولا تهز شوگه الليالي 

حسافة الي چنت ناذرله دنياي 
بـايعنـي برخيص و وكتي غالي

ريم علاء محمد 
6/ايلول .
google-playkhamsatmostaqltradent