سفره معه القصه الحقيقيه
هم يرد ذاك العمر
بينه طيبه من الزغر
جانت الخوه حنينه
عشگ ملاح وسفينه
اه ياذاك الزمان
غمضينه وفتحينه صبح
مبيوگ الامان
هم يرد ذاك العمر
عدنه جنت اذكر حديقه
بس حديقه بلا سياج
بيها گعدتنه العصر
اهناك لو اهلي گعدو
صاحبي يوگف ستر
الله ياذاك العمر
ولسه اذكر بالركن نلعب دعابل
وجان عدنه استاذ من يمنه
يفوت.... الكل سكوت
الصوت بلسانه يموت
ومره فات وكلها صاحت
استاذ همام استاذ همام
اني ذبيت
الدعابل صحت بالكل قيام
وبعد اذكر
توكي نلعب
زغار كلش ننسعد
البنات ويه الولد
واليفوز يعني سجل بسمه بيت
يعني فاز وعنده دار
وعندي صاحب جان يوميه يفوز
وبالعب عنده الف دار
للأسف بس اسمه فايز
گاعد ويدفع ايجار
شگد حلو الجيران جانو
والحياة شگد نضيفه
وقشمرت گلبي اني
مره
وعشگت وحده بفرعنه
بس علاقتنه شريفه
شگد نضيفه
جنت اطب وطلع عليها
ايدي ما طخت اديها
جانت النيه نضيفه
وسولفو اهلي.... بخطبتي
حضرت قاطي.... وغرفتي
ورحنه نخطب
ماقبل ينطيني ابوها
جيف ماكل خبزه عدهم
جان حاسبني اخوها
وكبرت القصه وكبرنه
القصه جانت من زغرنه
وقنعت گوه ابوها
وسولفتله المر عليه
صار كوم اسنين احبها
متفق گلبي وگلبها
خلي بالك بالقضيه
اني ابن العامريه
وهيه بنت العامريه
جيف مختلفه الهويه
جنه ناوين الزواج
وفرقتنه الطائفيه شگد خطيه
بقلمي.. ..
